About Us
History
MALAYALAM ENGLISH
ഡോളേഴ്സ് ബസിലിക്ക, തൃശ്ശൂർ
ഭാരത ക്രൈസ്തവസഭയുടെ ഈറ്റില്ലമാണ് ഇന്നത്തെ തൃശ്ശൂർ ജില്ല. ക്രിസ്തു ശിഷ്യനായ മാർത്തോമാ ശ്ലീഹായുടെ പാദസ്പർശമേറ്റ പുണ്യസ്ഥലങ്ങൾ ഈ ജില്ലയിൽപ്പെടുന്നു. ശക്തൻ തമ്പുരാൻ മഹാരാജാവാണ് തൃശൂർ പട്ടണത്തിന്റെ ശില്പി. പട്ടണ വികസനത്തിനായി അദ്ദേഹം എ. ഡി. 1794-ൽ 52 ക്രൈസ്തവ കുടുംബങ്ങളെ സമീപപ്രദേശങ്ങളിൽ നിന്നു കൊണ്ടുവന്നു കുടിപ്പാർപ്പിച്ചു. തൃശ്ശൂർ കേരളത്തിന്റെ സാംസ്കാരിക-വാണിജ്യ കേന്ദ്രമാകാൻ ഇതു സഹായകമായി. 1814-ലാണ് തൃശ്ശൂർപട്ടണത്തിലെ ആദ്യത്തെ കത്തോലിക്ക ദൈവാലയവും ഇടവകയും സ്ഥാപിതമായത്.
എന്നാൽ ചരിത്രവിഗതികളിൽ ദൈവാലയം കത്തോലിക്കർക്കു നഷ്ടപ്പെട്ടു. അതിനുപകരം പട്ടണത്തിന്റെ മധ്യഭാഗത്തു തന്നെ പുതിയൊരു ദൈവാലയം പണിയുവാൻ തൃശ്ശൂരിലെ കത്തോലിക്കർ ആഗ്രഹിച്ചു. 1925 ഒക്ടോബർ 10-നു മാർ ഫ്രാൻസിസ് വാഴപ്പള്ളി ഇപ്പോഴത്തെ ദൈവാലയത്തിനു മുമ്പിൽ ഉണ്ടായിരുന്ന സ്കൂൾ കെട്ടിടത്തിൽ താൽക്കാലിക സംവിധാനങ്ങൾ ചെയ്ത് പുതിയ ദൈവാലയത്തിന് ആരംഭം കുറിച്ചു. 1929 ഡിസംബർ 21-നു പുത്തൻപള്ളിയുടെ ശിലാസ്ഥാപനം നടന്നു. ഗോഥിക് ശില്പ മാതൃകയിലുള്ള, ഏഷ്യയിലെ തന്നെ പ്രശസ്തവും, വലുതും, സുന്ദരവുമായ ഈ ദൈവാലയത്തിന്റെ ഒന്നാംഘട്ടം പണി പൂർത്തീകരിക്കുവാൻ 11 വർഷത്തെ തീവ്ര പ്രയത്നം വേണ്ടിവന്നു. വ്യാകുലമാതാവിന്റെ നാമധേയത്തിലുള്ള ഈ ദൈവാലയത്തിന്റെ പ്രതിഷ്ഠ കർമ്മം 1940 നവംബർ 24-നു മാർ ഫ്രാൻസിസ് വാഴപ്പള്ളി നിർവഹിച്ചു.
1978 സെപ്റ്റംബർ 17-ന് ഇടവകയായും 1980 ആഗസ്റ്റ് 1-നു ഫൊറോനയായും ഈ ദൈവാലയത്തെ മാർ ജോസഫ് കുണ്ടുകുളം പിതാവ് ഉയർത്തി. 1986 ഫെബ്രുവരി 7-നു ജോൺപോൾ രണ്ടാമൻ മാർപാപ്പയ്ക്ക് ഈ ഇടവക അതിർത്തിയിൽ വച്ചു നൽകപ്പെട്ട സ്വീകരണം ചരിത്ര സംഭവമായി. 1987 ആഗസ്റ്റ് 23-നു തൃശ്ശൂർ അതിരൂപത ശതാബ്ദി സ്മാരകമായി ഈ ദൈവാലയത്തിൽ നിത്യാരാധന കർദ്ദിനാൾ സൈമൺ ഡി ലൂർദ്ദ് സ്വാമി ഉദ്ഘാടനം ചെയ്തു. 1992 ഏപ്രിൽ 25-നു ജോൺപോൾ രണ്ടാമൻ മാർപാപ്പ ഈ ദൈവാലയത്തെ ബസിലിക്കയായി ഉയർത്തി. ബസിലിക്കയുടെ പ്രതിഷ്ഠാകർമ്മം മേജർ ആർച്ച് ബിഷപ്പ് മാർ ആന്റണി പടിയറ 1992 മെയ് 20-നു നിർവഹിച്ചു. 2001 സെപ്റ്റംബർ 15-നു അതിരൂപത മെത്രാപ്പോലീത്ത മാർ ജേക്കബ് തൂങ്കുഴി പിതാവ് പരിശുദ്ധ വ്യാകുല മാതാവിൻ ബസിലിക്കയെ തീർത്ഥ കേന്ദ്രമായി പ്രഖ്യാപിച്ചു.
2004 ജനുവരി 7-നു റോമിലെ പൗരസ്ത്യ തിരുസംഘാദ്ധ്യക്ഷൻ അത്യുന്നത കർദ്ദിനാൾ ഇഗ്നാസ് ദാവൂദ് മൂസ ആശീർവദിച്ചു ഉദ്ഘാടനം ചെയ്ത ദൈവാലയത്തിന്റെ പിൻഭാഗത്തെ മണിമാളിക (ബൈബിൾ ടവർ) 2006 ഡിസംബർ 3-ന് ഇന്ത്യയിലെ അപ്പസ്തോലിക് ന്യൂൺഷ്യോ മോസ്റ്റ് റവ. ഡോ. പേദ്രോ ലോപസ് ക്വിന്റാന ദൈവജനത്തിനായി തുറന്നുകൊടുത്തു.
Our Team
ADMINISTRATION
Fr. Thomas Kakkassery
Rector/Vicar
Fr. Benwin Thattil
Asst. Vicar
Fr. Prince Cheruthanikkal
Asst. Vicar
Mr. George Pulikkottil
Trustee
Mr. Johny Kuttichakku
Trustee
Mr. John V. R.
Trustee
Mr. Aby Cherian
Trustee
Prathinidi Yogangangal
Prathinidi Yogangangal
Kudumba Kuttayma Kendra Samithi
Kudumba Kuttayma Kendra Samithi
Ms. Sheeba Joy
Office Staff
Ms. Shybi Joby
Office Staff
Ms. Simi Joy
Office Staff
Mr. Somy K. K.
SacristanUnits
കുടുംബക്കൂട്ടായ്മകൾ
ഗലീലി, നസ്രത്ത്, ജറുസലേം, ബത്-ലെഹം എന്നിങ്ങനെ നാലു മേഖലകളിലായി 15 കുടുംബക്കൂട്ടായ്മകളാണ് ഡോളേഴ്സ് ബസിലിക്ക ഇടവകയിലുള്ളത്.
സെന്റ് മേരീസ്
ഗലീലി മേഖലയിൽ ഉൾപ്പെടുന്ന ഈ കുടുംബക്കൂട്ടായമയുടെ മദ്ധ്യസഥ ലൂർദ്ദ് മാതാവാണ് (തിരുനാൾ: ഫെബ്രുവരി 11). ബെന്നറ്റ് റോഡിനോടു ചേർന്ന പ്രദേശങ്ങളിലെ 52 ഭവനങ്ങളാണ് ഇപ്പോൾ ഈ കൂട്ടായ്മയിൽ ഉള്ളത്. എല്ലാ മാസത്തിലെയും ഒന്നാമത്തെ ഞായറാചകളിൽ ഉച്ചകഴിഞ്ഞ് 3:00 മണിയ്ക്കാണ് കുടുംബക്കൂട്ടായ്മ സമ്മേളനം നടത്തുന്നത്.
സെന്റ് ജൂഡ്
ഗലീലി മേഖലയിൽ ഉൾപ്പെടുന്ന ഈ കുടുംബക്കൂട്ടായമയുടെ മദ്ധ്യസഥൻ ശ്ലീഹന്മാരിലൊരുവനായ വി. യൂദാ തദേവൂസാണ് (തിരുനാൾ: ഒക്ടോബർ 28). സി. ആർ. ഇയ്യുണ്ണി റോഡിനോടു ചേർന്ന പ്രദേശങ്ങളിലെ 66 ഭവനങ്ങളാണ് ഇപ്പോൾ ഈ കൂട്ടായ്മയിൽ ഉള്ളത്. എല്ലാ മാസത്തിലെയും ഒന്നാമത്തെ ഞായറാചകളിൽ ഉച്ചകഴിഞ്ഞ് 4:00 മണിയ്ക്കാണ് കുടുംബക്കൂട്ടായ്മ സമ്മേളനം നടത്തുന്നത്.
സെന്റ് മാർട്ടിൻ
ഗലീലി മേഖലയിൽ ഉൾപ്പെടുന്ന ഈ കുടുംബക്കൂട്ടായമയുടെ മദ്ധ്യസഥൻ വി. മാർട്ടിൻ ഡി പോറസാണ് (തിരുനാൾ: നവംബർ 3). സനാതന മിഷൻ റോഡിനോടു ചേർന്ന പ്രദേശങ്ങളിലെ 54 ഭവനങ്ങളാണ് ഇപ്പോൾ ഈ കൂട്ടായ്മയിൽ ഉള്ളത്. എല്ലാ മാസത്തിലെയും ഒന്നാമത്തെ ഞായറാചകളിൽ ഉച്ചകഴിഞ്ഞ് 4:00 മണിയ്ക്കാണ് കുടുംബക്കൂട്ടായ്മ സമ്മേളനം നടത്തുന്നത്.
സെന്റ് സെബാസ്റ്റ്യൻ
നസ്രത്ത് മേഖലയിൽ ഉൾപ്പെടുന്ന ഈ കുടുംബക്കൂട്ടായമയുടെ മദ്ധ്യസഥൻ വി. സെബസ്ത്യാനോസാണ് (തിരുനാൾ: ജനുവരി 20). കൃപാതീർത്ഥം കോൺവെന്റിനോടു ചേർന്ന പ്രദേശങ്ങളിലെ 50 ഭവനങ്ങളാണ് ഇപ്പോൾ ഈ കൂട്ടായ്മയിൽ ഉള്ളത്. എല്ലാ മാസത്തിലെയും രണ്ടാമത്തെ ഞായറാചകളിൽ ഉച്ചകഴിഞ്ഞ് 4:00 മണിയ്ക്കാണ് കുടുംബക്കൂട്ടായ്മ സമ്മേളനം നടത്തുന്നത്.
സെന്റ് ജോസഫ്
നസ്രത്ത് മേഖലയിൽ ഉൾപ്പെടുന്ന ഈ കുടുംബക്കൂട്ടായമയുടെ മദ്ധ്യസഥൻ വി. യൗസേപ്പിതാവാണ് (തിരുനാൾ: മാർച്ച് 19). മൈക്രോവേവ് സ്റ്റേഷനോടു ചേർന്ന പ്രദേശങ്ങളിലെ 62 ഭവനങ്ങളാണ് ഇപ്പോൾ ഈ കൂട്ടായ്മയിൽ ഉള്ളത്. എല്ലാ മാസത്തിലെയും രണ്ടാമത്തെ ഞായറാചകളിൽ ഉച്ചകഴിഞ്ഞ് 5:00 മണിയ്ക്കാണ് കുടുംബക്കൂട്ടായ്മ സമ്മേളനം നടത്തുന്നത്.
മേരി ഇമ്മാക്കുലേറ്റ്
നസ്രത്ത് മേഖലയിൽ ഉൾപ്പെടുന്ന ഈ കുടുംബക്കൂട്ടായമയുടെ മദ്ധ്യസഥ പരി. അമലോത്ഭവ മാതാവാണ് (തിരുനാൾ: ഡിസംബർ 8). സെമിത്തേരി ലെയിനിന്റെ വടക്കുഭാഗത്തുള്ള 39 ഭവനങ്ങളാണ് ഇപ്പോൾ ഈ കൂട്ടായ്മയിൽ ഉള്ളത്. എല്ലാ മാസത്തിലെയും രണ്ടാമത്തെ ഞായറാചകളിൽ ഉച്ചകഴിഞ്ഞ് 5:00 മണിയ്ക്കാണ് കുടുംബക്കൂട്ടായ്മ സമ്മേളനം നടത്തുന്നത്.
സെന്റ് പോൾ
നസ്രത്ത് മേഖലയിൽ ഉൾപ്പെടുന്ന ഈ കുടുംബക്കൂട്ടായമയുടെ മദ്ധ്യസഥൻ വി. പൗലോസ് ശ്ലീഹയാണ് (തിരുനാൾ: ജൂൺ 29). ബഥേൽ ലൈനിനോടു ചേർന്ന പ്രദേശങ്ങളിലെ 40 ഭവനങ്ങളാണ് ഇപ്പോൾ ഈ കൂട്ടായ്മയിൽ ഉള്ളത്. എല്ലാ മാസത്തിലെയും രണ്ടാമത്തെ ഞായറാചകളിൽ ഉച്ചകഴിഞ്ഞ് 4:00 മണിയ്ക്കാണ് കുടുംബക്കൂട്ടായ്മ സമ്മേളനം നടത്തുന്നത്.
ഹോളി ട്രിനിറ്റി
ജറസലേം മേഖലയിൽ ഉൾപ്പെടുന്ന ഈ കുടുംബക്കൂട്ടായമ പരിശുദ്ധ ത്രിത്വത്തിന്റെ നാമധേയത്തിലുള്ളതാണ് (തിരുനാൾ: പന്തകുസ്ത കഴിഞ്ഞുവരുന്ന ഞായർ). സ്വരാജ് റൗണ്ടും വടക്കേ ബസ് സ്റ്റാന്റും ഉൾപ്പെടുന്ന പ്രദേശങ്ങളിലെ 61 ഭവനങ്ങളാണ് ഇപ്പോൾ ഈ കൂട്ടായ്മയിൽ ഉള്ളത്. എല്ലാ മാസത്തിലെയും മൂന്നാമത്തെ ഞായറാചകളിൽ ഉച്ചകഴിഞ്ഞ് 5:00 മണിയ്ക്കാണ് കുടുംബക്കൂട്ടായ്മ സമ്മേളനം നടത്തുന്നത്.
സെന്റ് അഗസ്റ്റിൻ
ജറുസലേം മേഖലയിൽ ഉൾപ്പെടുന്ന ഈ കുടുംബക്കൂട്ടായമയുടെ മദ്ധ്യസഥൻ വി. അഗസ്തീനോസാണ് (തിരുനാൾ: ആഗസ്റ്റ് 28). കൊക്കാല പ്രദേശത്തിലെ 60 ഭവനങ്ങളാണ് ഇപ്പോൾ ഈ കൂട്ടായ്മയിൽ ഉള്ളത്. എല്ലാ മാസത്തിലെയും മൂന്നാമത്തെ ഞായറാചകളിൽ ഉച്ചകഴിഞ്ഞ് 3:00 മണിയ്ക്കാണ് കുടുംബക്കൂട്ടായ്മ സമ്മേളനം നടത്തുന്നത്.
സെന്റ് അൽഫോൺസ
ജറുസലേം മേഖലയിൽ ഉൾപ്പെടുന്ന ഈ കുടുംബക്കൂട്ടായമയുടെ മദ്ധ്യസഥ വി. അൽഫോൺസമ്മയാണ് (തിരുനാൾ: ജൂലൈ 28). ടി. ബി. റോഡിനു തെക്കുവശം സെന്റ് ജോസഫ് സ്കൂളിനോടു ചേർന്ന പ്രദേശങ്ങളിലെ 34 ഭവനങ്ങളാണ് ഇപ്പോൾ ഈ കൂട്ടായ്മയിൽ ഉള്ളത്. എല്ലാ മാസത്തിലെയും മൂന്നാമത്തെ ഞായറാചകളിൽ ഉച്ചകഴിഞ്ഞ് 4:00 മണിയ്ക്കാണ് കുടുംബക്കൂട്ടായ്മ സമ്മേളനം നടത്തുന്നത്.
ഡോൺ ബോസ്കോ
ജറുസലേം മേഖലയിൽ ഉൾപ്പെടുന്ന ഈ കുടുംബക്കൂട്ടായമയുടെ മദ്ധ്യസഥൻ വി. ഡോൺ ബോസ്കോയാണ് (തിരുനാൾ: ജനുവരി 31). ടി. ബി. റോഡിനു തെക്കുവശം IMA ഹാളിനോടു ചേർന്ന പ്രദേശത്തിലെ 26 ഭവനങ്ങളാണ് ഇപ്പോൾ ഈ കൂട്ടായ്മയിൽ ഉള്ളത്. എല്ലാ മാസത്തിലെയും മൂന്നാമത്തെ ഞായറാചകളിൽ ഉച്ചകഴിഞ്ഞ് 4:00 മണിയ്ക്കാണ് കുടുംബക്കൂട്ടായ്മ സമ്മേളനം നടത്തുന്നത്.
ഹോളി ഫാമിലി
ബെത്-ലെഹം മേഖലയിൽ ഉൾപ്പെടുന്ന ഈ കുടുംബക്കൂട്ടായമ തിരുക്കുടുംബത്തിന്റെ നാമധേയത്തിലുള്ളതാണ് (തിരുനാൾ: ക്രിസ്തുമസ് കഴിഞ്ഞു വരുന്ന ഞായറാഴ്ച). ഇക്കണ്ട വാര്യർ റോഡ്, പള്ളിക്കുളം പ്രദേശങ്ങളിലെ 29 ഭവനങ്ങളാണ് ഇപ്പോൾ ഈ കൂട്ടായ്മയിൽ ഉള്ളത്. എല്ലാ മാസത്തിലെയും രണ്ടാം ശനിയാഴ്ചകളിൽ വൈകീട്ട് 6:30-നാണ് കുടുംബക്കൂട്ടായ്മ സമ്മേളനം നടത്തുന്നത്.
തിരുഹൃദയ
ബെത്-ലെഹം മേഖലയിൽ ഉൾപ്പെടുന്ന ഈ കുടുംബക്കൂട്ടായമ ഈശോയുടെ തിരുഹൃദയത്തിന്റെ നാമധേയത്തിലുള്ളതാണ് (തിരുനാൾ: ശ്ലീഹാക്കാലത്തിലെ മൂന്നാം വെള്ളി). എരിഞ്ഞേരി അങ്ങാടി പ്രദേശത്തിലെ 51 ഭവനങ്ങളാണ് ഇപ്പോൾ ഈ കൂട്ടായ്മയിൽ ഉള്ളത്. എല്ലാ മാസത്തിലെയും നാലാമത്തെ ഞായറാചകളിൽ ഉച്ചകഴിഞ്ഞ് 3:00 മണിയ്ക്കാണ് കുടുംബക്കൂട്ടായ്മ സമ്മേളനം നടത്തുന്നത്.
ലിറ്റിൽ ഫ്ലവർ
ബെത്-ലെഹം മേഖലയിൽ ഉൾപ്പെടുന്ന ഈ കുടുംബക്കൂട്ടായമയുടെ മദ്ധ്യസഥ വി. കൊച്ചുത്രേസ്യയാണ് (തിരുനാൾ: ഒക്ടോബർ 31). ബസിലിക്ക ദൈവാലയത്തിന്റെ തെക്കു പടിഞ്ഞാറേ ഭാഗത്തുള്ള പ്രദേശത്തിലെ 33 ഭവനങ്ങളാണ് ഇപ്പോൾ ഈ കൂട്ടായ്മയിൽ ഉള്ളത്. എല്ലാ മാസത്തിലെയും നാലാമത്തെ ഞായറാചകളിൽ ഉച്ചകഴിഞ്ഞ് 4:00 മണിയ്ക്കാണ് കുടുംബക്കൂട്ടായ്മ സമ്മേളനം നടത്തുന്നത്.
സെന്റ് തോമസ്
ബെത്-ലെഹം മേഖലയിൽ ഉൾപ്പെടുന്ന ഈ കുടുംബക്കൂട്ടായമയുടെ മദ്ധ്യസഥൻ വി. തോമാസ് ശ്ലീഹയാണ് (തിരുനാൾ: ജൂലൈ 3). ബസിലിക്ക ദൈവാലയത്തിന്റെ തെക്കു കിഴക്കേ ഭാഗത്തുള്ള പ്രദേശത്തിലെ 39 ഭവനങ്ങളാണ് ഇപ്പോൾ ഈ കൂട്ടായ്മയിൽ ഉള്ളത്. എല്ലാ മാസത്തിലെയും നാലാമത്തെ ഞായറാചകളിൽ ഉച്ചകഴിഞ്ഞ് 5:00 മണിയ്ക്കാണ് കുടുംബക്കൂട്ടായ്മ സമ്മേളനം നടത്തുന്നത്.
